<p style="margin: 0pt;"><span style="font-family: Arial; letter-spacing: 0pt; font-size: 12pt;">下個月就係聖誕節，唔少人都計劃外遊，近期日圓低企，Emily身邊唔少朋友都話去日本旅遊。日本國家旅遊局噚日公布，今年頭9個月香港人遊日人次突破100萬，比起舊年同期增加近七成。不過，用訪日人次計，港人其實只係屈居第四，遊日旅客最多依次係中國、韓國同台灣。唔講唔知，原來舊年12月有超過10萬香港人去日本玩，預計今年12月會有六成增長。日本當局話，日圓眨值，加埋航空公司增加去日本嘅航班，令日本更加受香港人歡迎。</span></p><div> </div><p style="margin: 0pt;"><span style="font-family: Arial; letter-spacing: 0pt; font-weight: bold; font-size: 12pt;">受惠日圓匯價航班增</span></p><div> </div><p style="margin: 0pt;"><span style="font-family: Arial; letter-spacing: 0pt; font-size: 12pt;">日本旅遊局仲首次推出有獎遊戲App「日本集章之旅」，有49個日本必到景點，加埋香港國際機場，一共有50個印章，到訪港人可以去指定景點收集印章；喺明年3月24日之前，收集到最多印章嘅哈日族，就可以攞到日本機票同住宿等獎品。</span></p><div> </div><p style="margin: 0pt;"><span style="font-family: Arial; letter-spacing: 0pt; font-size: 12pt;"><strong>首推有獎App 儲印章攞機票</strong></span></p><div> </div><p><span style="font-family: Arial; letter-spacing: 0pt; font-size: 12pt;">日本當局委託咗市場推廣公司調查，研究21至30歲香港人喺日本嘅消費模式，發現多數人曾經去過日本10個縣以下，每次遊日都花費約1.5萬蚊港幣，所以今次搵咗旅遊家梁彥宗，設計1.4萬蚊budget之下，點可以喺24日內遊日本47個縣嘅行程，佢笑住同Emily講，呢個想法都幾瘋狂，建議想慢慢欣賞日本文化嘅香港人，最好選擇其他計劃。</span></p>