<p style="margin-top:10.5000pt;margin-right:0.0000pt;margin-bottom:1.0500pt;margin-left:0.0000pt;layout-grid-mode:char;text-autospace:ideograph-numeric;"><span style="font-family:Arial;color:#000000;letter-spacing:0.0000pt;text-transform:none;font-style:normal;font-size:12.0000pt;background:#ffffff;">民主黨3月中舉行黨慶，晚宴重頭戲當然係籌款，上周民主黨中委會就決定今年唔會邀請特首林鄭月娥、律政司長鄭若驊及立法會主席梁君彥出席。上年黨慶林太即場捐3萬蚊畀民主黨李華明（Fred）唱歌，阿Fred一直都係民主黨籌款核心人物，但佢上周得悉該黨決定唔請林太等3人後，就決定辭去籌款委員會嘅職務，今年黨慶佢亦唔會再上台唱歌籌款。</span></p><p style="margin-top:10.5000pt;margin-right:0.0000pt;margin-bottom:1.0500pt;margin-left:0.0000pt;layout-grid-mode:char;text-autospace:ideograph-numeric;"><span style="font-family:Arial;color:#000000;letter-spacing:0.0000pt;text-transform:none;font-style:normal;font-size:12.0000pt;background:#ffffff;">不再獻唱 料籌款少幾十萬</span></p><p style="margin-top:10.5000pt;margin-right:0.0000pt;margin-bottom:1.0500pt;margin-left:0.0000pt;layout-grid-mode:char;text-autospace:ideograph-numeric;"><span style="font-family:Arial;color:#000000;letter-spacing:0.0000pt;text-transform:none;font-style:normal;font-size:12.0000pt;background:#ffffff;">阿Fred回應Emily時話，上星期得悉中委會決定後，佢就通知個黨辭職一事，黨主席胡志偉曾致電挽留，但佢始終覺得民主黨過去邀請嘉賓劃清楚條「紅線」：該黨要求落台嘅官員就唔會請，但民主黨今次移動紅線，過去都無叫林太落台，但有其他原因唔請，既然改唔到黨嘅決定，「咪自己離開」，始終覺得好難再喺籌款委員會開會，亦認為要向工商界籌款有困難。</span></p><p><span style="font-family:Arial;color:#000000;letter-spacing:0.0000pt;text-transform:none;font-style:normal;font-size:12.0000pt;background:#ffffff;">阿Fred覺得呢類社交場合係畀面派對，無謂搞到咁緊張，近日出去籌款都畀人挖苦指民主黨好似「細路仔玩泥沙」，佢認為爭拗都好無謂。辭職有咩影響呢？阿Fred強調應承咗嘅都會繼續做，包括搵人買枱，但就唔會再開籌款委員會；預料當晚自己唔獻唱會「少幾十萬（籌款）」。</span></p>