現年87歲嘅天主教香港教區榮休主教陳日君樞機，日前獲美國「共產主義受難者基金會」頒發「杜魯門—列根自由獎」，表揚佢為內地宗教自由發聲，以及反對中國同梵蒂岡建交。基金會日前發新聞稿，形容陳日君係中國同香港人權嘅倡導者，曾批評中共八九學運鎮壓同打壓法輪功，「人稱香港新良心」。<br /><br />基金會形容獎項設立嘅目的，係表揚終身為民主自由而對抗共產主義同暴政嘅個人或團體，過去獲獎者包括已故教宗若望保祿二世、流亡美國嘅中國失明維權人士陳光誠，以及八九學運倖存者楊建利等。基金會稱讚陳日君至今仍然係爭取中國自由嘅一把有力聲音，自2002年起亦帶領香港多次民主遊行同示威。<br /><br />