<p style="margin: 0pt;"><span style="font-family: Arial; letter-spacing: 0pt; font-size: 12pt;">香港人究竟係咪大嘥鬼？世界自然基金會噚日發表兩年一度報告，發現香港消費自然資源有上升趨勢，最新數字顯示，如果全球人類都以港人模式生活，就要3.9個地球嘅資源先滿足到一年嘅資源需求，超越兩年前嘅3.1個地球資源，反映過度消費嘅生活模式愈來愈嚴重。</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">根據基金會發表嘅《地球生命力報告2016》（相關新聞刊A24），全球使用自然資源嘅速度係地球生產速度嘅1.6倍，意味人類一年所用嘅資源，地球要19個月先至生產到。</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">報告以2012年嘅數據，推算全球消耗自然資源如農產品、海鮮、木材、能源等情况，得出人均生態足印，以地球公頃為單位。最新報告顯示，香港人均生態足印為每人6.7地球公頃，較兩年前嘅5.4地球公頃有明顯增長，全亞洲排第2，「屈居」更浪費嘅新加坡之後；若果同全球150多個國家或地區比較，香港排第17。</span></p><p style="margin: 0pt;"> </p><p><span style="font-family: Arial; letter-spacing: 0pt; font-size: 12pt;">基金會話，港人過度消費嘅模式正把地球嘅生物推上絕路，政府應帶領商界同市民推動香港成為可持續發展城市。</span></p>