<p style="margin: 0pt;"><span style="font-family: Arial; letter-spacing: 0pt; font-size: 12pt;">中聯辦主任王志民今個月23日將會出席立法會午宴，議員報名噚日截止，立法會秘書處透露有51個議員報名出席，但未提供名單。Emily打聽過，民主派方面，民主黨、公民黨各有兩人出席，「專業議政」就最捧場喇，5人悉數出席（葉建源、李國麟、莫乃光、邵家臻、梁繼昌，身兼公民黨同專業議政成員嘅郭榮鏗出席，計入公民黨）；而「議會陣線」最少，只有新民主同盟范國威到場。</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">議員陣線 范國威會去</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">呢場午宴由立法會主席梁君彥做東，邀請王志民出席。公民黨有黨魁楊岳橋（AY）同郭榮鏗出席，AY話會喺午宴表達與堅持一國兩制有關嘅訴求；民主黨就有主席胡志偉同黃碧雲現身，有民主黨人話，午宴只係普通禮節場合，唔會請願，只派兩人去嘅原因，係為免畀人感覺民主黨同中聯辦友好。</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">民主黨公民黨各兩人</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">專業議政邵家臻話，喺午宴上會表達對單程證審批權嘅意見。至於議會陣線6人中，香港本土毛孟靜、工黨張超雄、人民力量陳志全同獨立朱凱廸表明缺席，街工梁耀忠喺截稿前未回覆查詢。</span></p><p style="margin: 0pt;"> </p><p><span style="font-family: Arial; letter-spacing: 0pt; font-size: 12pt;">毛孟靜話，對於王志民講過「中環西環行埋一齊幾好」覺得「毛管戙」，所以唔會去午宴，但會考慮喺場外請願。</span></p>