<p style="margin: 10.5pt 0pt 1.05pt;"><span style="font-family: Arial; letter-spacing: 0pt; font-size: 12pt;">社民連主席吳文遠早前被裁定3項披露受調查人員身分等資料罪罪成，要還押等候判刑，佢喺獄中寫咗封公開信，講明「坐監，濕濕碎」，話多個戰友先後身陷囹圄，現時到自己喺囚室睇風景，係預期之內，「所以心情輕鬆」。</span></p><p style="margin: 10.5pt 0pt 1.05pt;"><span style="font-family: Arial; letter-spacing: 0pt; font-size: 12pt;">吳文遠前年4月至5月向廉署舉報民政事務局常任秘書長馮程淑儀及其丈夫涉貪污，其後佢向傳媒及喺社交媒體上，披露廉署立案調查「馮程淑儀案」，因而被裁定3項披露受調查人員身分等資料罪罪成，目前還押喺荔枝角收押所。</span></p><div> </div><p><span style="font-family: Arial; letter-spacing: 0pt; font-size: 12pt;">吳文遠喺信中話，</span><span style="font-family: Arial; letter-spacing: 0pt; font-size: 12pt;">現在</span><span style="font-family: Arial; letter-spacing: 0pt; font-size: 12pt;">「站在牢獄中看藍天是本人的榮幸」，唯一可惜係無法應邀參加國際不再恐同日集會，「相比同志們不能自由地愛，如同一生一世被囚禁，這小監房一點都不難受」。佢明言坐監令佢更堅強、骨頭更硬，仲叮囑大家記住多啲幫助社民連。</span></p>