黃之鋒：暫無意組黨從政 – 纵览中国-China In Perspective

學民思潮召集人黃之鋒被問到會否組黨從政，表示希望續以學生組織、學生代表身份參與社會運動，又指現時學界已不斷被收編、打壓、統戰，要守住學界這「橋頭堡」。他想先完成四年大學，再考慮未來路向，暫時無意組黨、從政、參選，「我唔會好似梁振英咁講我N屆唔選，最後又選」。 黃之鋒接受港台節目《星期五主場》訪問，14歲開始參與學運的他形容「今時唔同往日」，「以前要去到公民抗命或者堵路先至會被拘捕，但今時今日喺旺角行行吓街，會畀警棍打；以至到攞粉筆喺牆上面畫花，都會畀人話刑事毀壞拘捕。」<h2>盼與港府就政改對話</h2>黃相信有些父母會諒解子女參與公民抗命，因為他們別無選擇，如果過去30年可以靠遊行爭取民主，「今時今日都唔使有黃之鋒坐喺度」。他不認為年輕才有本錢抗爭，「年輕係個心態，唔在乎年齡，到底你面對中共政權、選擇逆來順受，定係選擇不甘於認命、逆轉未來。兩者之間，我哋選擇逆轉未來」。 在政改問題上，黃之鋒表示「學生好想同政府傾，只不過係政府唔肯同學生傾。」黃之鋒希望能就重啟政改五部曲與政府對話。 學民思潮前晚深夜在facebook發表元旦宣言，強調要延續雨傘運動，在堅持公民提名和廢除功能組別的同時，本年目標放在重啟政改之上，促行政長官梁振英放下「敵我矛盾」跟學生對話。