鄭耀棠：京對政改打定輸數 – 纵览中国-China In Perspective

雖然人大委員長張德江說，政改通過是「硬任務」，但港區人大代表鄭耀棠以國務院總理李克強未有在中外記者會上再提對政改承諾，認為中央已對通過政改問題「打定輸數」；又稱若泛民期望中央會對政改讓步是「嘥氣啦」及「儍嘅」，相信中央對政改的態度是能通過就通過，不能就算數。<h2>指要求撤回八．三一「嘥氣」（白忙）</h2>鄭耀棠昨日在電台節目上表示，從今年兩會期間，李克強在記者會上有關香港的發言，認為中央已對政改問題「打定輸數」，鄭解釋：「咁好嘅場合、國際咁樣關注，只要李克強總理公開講，普選行政長官係中央莊嚴嘅承諾，我哋就要推動佢，但佢並冇講呢句說話，更加冇講到希望個政改能通過。」因此他相信對北京而言，政改通過與否「冇乜所謂」。 鄭又認為，泛民再堅持要求人大撤回八．三一決定是「嘥氣啦，絕對唔可能出現嘅嘢」，他續指「撤銷佢喎，唔好行八．三一？有乜可能箒？講普通話係開玩笑……以為可以從頭嚟過，下一次一定會改過呢個方案？我話畀你聽，你係儍嘅」。 對於建制派指政改一旦遭否決，特首梁振英就很大機會連任，鄭稱中央很信任梁振英，未見到比梁更好的人選，至於近日發生的梁齊昕事件會否影響梁連任，鄭覺得梁的處理手法恰當，但亦指會有政敵「摷啲嘢（梁齊昕事件）出嚟攻擊」，至於會否有影響，「就要睇佢（梁振英）點處理好家事」。