<p style="margin: 0pt; padding: 0pt;"><span style="font-family: Arial; letter-spacing: 0pt; font-size: 12pt;">政壇之中離離合合好常見，有「黃埔孖寶」之稱嘅青年新政（青政）九龍城區議員鄺葆賢同成員游蕙禎，一向孖公仔形影不離，但隨住鄺葆賢尋日宣布退出青政，「黃埔孖寶」正式拆夥，今後各自修行。雙方都無解釋退黨原因，只係話獨立並非唔合作，但睇得出鄺葆賢嘅退出，不論對青政或游蕙禎都係好大打擊。</span></p><p style="margin: 0pt 0pt 0pt 15pt; padding: 0pt;"> </p><p style="margin-top: 0pt; margin-right: 0pt; margin-bottom: 0pt; padding: 0pt;"><span style="font-family: Arial; letter-spacing: 0pt; font-size: 12pt;">青政同鄺葆賢尋日各自喺Facebook宣布退黨一事。青政指鄺葆賢喺六月三日退出青政群組，兩星期以來組織內部不少人嘗試挽留，都未能成功，佢哋對此感到遺憾。而鄺葆賢在宣布退出時，就以「擇善固執」作結。佢咁講係唔係代表同青政有意見不合嘅地方，搞到要退出呢？雙方都未有正面回應。</span></p><p style="margin: 0pt 0pt 0pt 15pt; padding: 0pt;"> </p><p><span style="font-family: Arial; letter-spacing: 0pt; font-size: 12pt;">雖然不和嘅講法仍未能證實，但可以肯定嘅係「黃埔孖寶」拆夥後仍然保持友好關係，鄺葆賢尋日貼出同游蕙禎合照，並透過兩人合辦嘅「小黃紙」話，獨立並非唔合作，會同游蕙禎並肩前行，共同走社區進步嘅路。「黃埔孖寶」組成十五個月，都算係經歷唔少風雨，唔知今後仲有無機會見佢哋以組合形式再現政壇呢？</span></p>