<p style="margin: 0pt;"><span style="font-family: Arial; letter-spacing: 0pt; font-size: 12pt;">繼10月遊行後，香港眾志同社民連等多個政團</span><span style="font-family: Arial; letter-spacing: 0pt; font-size: 12pt;">本</span><span style="font-family: Arial; letter-spacing: 0pt; font-size: 12pt;">星期日（3號）將會再次舉辦「反威權」遊行，聲援被判入獄嘅社運人士，並為「守護公義基金」同「在囚抗爭者支援基金」籌款，當日下晝兩點由灣仔修頓球場遊行至終審法院，遊行後舉行集會。主辦單位無評論遊行人數，但向警方申請不反對通知書時，就申請有2000人參與。</span></p><p style="margin: 0pt;"> </p><p style="margin: 0pt;"> <img src="/EditBackyard/EditorData/Photo/8cf2c1dc05716bd8527d8230b7d3260a.jpg" width="450" height="195" alt="" /></p><p style="margin: 0pt;"><em><span style="font-family: Arial; letter-spacing: 0pt; font-style: italic; font-size: 12pt;">多名面對不同官司嘅社運人物，噚日喺部分泛民立會議員陪同下開記者會，簡介周日遊行安排，香港眾志秘書長黃之鋒（前排右四）話，希望港人上街聲援政治犯。</span></em><em></em></p><p style="margin: 0pt;"><em> </em></p><p style="margin: 0pt;"><span style="font-family: Arial; letter-spacing: 0pt; font-size: 12pt;">香港眾志秘書長黃之鋒上月獲准就衝擊政總東翼前地案保釋等候上訴，但本月7號就要面對另一宗藐視法庭官司判決。佢</span><span style="font-family: Arial; letter-spacing: 0pt; font-size: 12pt;">昨</span><span style="font-family: Arial; letter-spacing: 0pt; font-size: 12pt;">日</span><span style="font-family: Arial; letter-spacing: 0pt; font-size: 12pt;">在</span><span style="font-family: Arial; letter-spacing: 0pt; font-size: 12pt;">記者會上話，今年8月同10月嘅遊行，自己身在獄中，而本月7號亦可能再被判監，所以希望判刑前可以同關心政治犯嘅香港人喺今次遊行同行，呼籲市民參與。面對同一宗藐視法庭官司嘅社民連副主席黃浩銘相信，愈多人遊行，獄中人就愈唔會感到孤單。</span></p><p style="margin: 0pt;"> </p><p><span style="font-family: Arial; letter-spacing: 0pt; font-size: 12pt;">主辦單位10月舉行嘅「反威權遊行」報稱有4萬人參加，同警方公布嘅最高峰人數4300相差8倍，當時主辦單位無交代點樣計算人數。對於今次點算人數方法，社民連主席吳文遠話會有義工負責喺唔同地方點算，但未有透露細節。</span></p>