<p style="margin-top:10.5000pt;margin-right:0.0000pt;margin-bottom:1.0500pt;margin-left:0.0000pt;layout-grid-mode:char;text-autospace:ideograph-numeric;"><span style="font-family:Arial;color:#000000;letter-spacing:0.0000pt;text-transform:none;font-style:normal;font-size:12.0000pt;background:#ffffff;">有10個跨黨派嘅區議員同議員助理一齊去咗日本東京，參加第三屆「亞洲議員論壇」，聽晚返港。今次香港代表團除咗有民主黨、民協、公民黨，以及無黨派嘅泛民區議員外，仲有民建聯同新民黨嘅代表出席。唔係區議員嘅社民連黃浩銘就「食花生」，喺民主黨區議員趙家賢facebook貼出行程中跨黨派合照度留言，問民主派係咪同民建聯、新民黨一齊「勾結外國勢力」。</span></p><p style="margin-top:10.5000pt;margin-right:0.0000pt;margin-bottom:1.0500pt;margin-left:0.0000pt;layout-grid-mode:char;text-autospace:ideograph-numeric;"><span style="font-family:Arial;color:#000000;letter-spacing:0.0000pt;text-transform:none;font-style:normal;font-size:12.0000pt;background:#ffffff;">趙家賢喺社交網站分享此行合照，相中所見泛民、建制相處融洽。佢同Emily講，今次論壇有台灣、日本、越南及菲律賓嘅議員代表出席，大家就如何推動地方經濟、預防災害措施議題交換意見。精通日文嘅「雙料議員」區諾軒亦有參加今次交流，趙家賢話區諾軒行程期間不時幫手翻譯。</span></p><p><span style="font-family:Arial;color:#000000;letter-spacing:0.0000pt;text-transform:none;font-style:normal;font-size:12.0000pt;background:#ffffff;">另一團員、民建聯荃灣區議員林琳話，2016年曾到台灣觀摩大選，認識當地政治人物，對方邀請佢參加呢個論壇。而今次去東京交流，香港方面由新民黨嘅甘文鋒負責安排，但佢最終有事無同行，新民黨傅曉琳則有同行，林琳認為跨黨派一齊去考察都係好事。今次除咗參觀當地國會外，聽日亦會參觀埋幼稚園。</span></p>